Firaun e zhongler

Shkruan Viron Kona

Firaun e zhongler 1)  

 

I kujtova fëmijërinë,

doja t`i qaja ndonjë hall,

ai u ndje i  bezdisur,

shihte orën në çdo çast:

 

“-Ja tani që ne po flasim,

n`drekë pune po më presin,

ende pa mbaruar aty,

n`parlament do më thërresin.

 

Kam plane, kam dhe ëndrra,

një jetë është kjo e shkreta,

vila andej, biznese këndej,

ca pa vula, ca pa shkresa.

 

Konkurrencë e paparë,

për para e për pushtet,

për tendera në ndërtim,

për toka në bregdet.

 

Jeta është plot sfida vëlla,

ligji i xhunglës bën kërdi,

një çast s`e pate mendjen,

ta hedh tjetri sy më sy.

 

Sot nuk ecet pa djallëzi,

dinakëri e shkathtësi,

bëhu ujk, e bëhu dhelpër,

që të bësh biznes dhe ti.

 

Kaloi ora s`rri dot më,

të fala zgjedhësve të mi,

Evropën u kam premtuar,

mendja tek ata më rri.”

 

E ndiqja me sy nga larg,

isha bërë pikë e vrer,2)

ku kish qen gjer më sot ky,

firaun e zhongler?

 

E di, prapë do vijë tek unë,

për të më premtuar botën,

unë naivi halle shumë,

përsëri do t`i japë votën…!

 

 

***

 

1). Firaun:Në kuptimin njeri shpirtkazmë i pabesë.

     Zhongler:Në kuptimin e njeriut që vepron me dredhi,dredharak,dinak.

2).Vrer: Në kuptimin, i hidhëruar, i pikëlluar

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s